.:: İstanbul Kadı Sicilleri ::.


Üsküdar Mahkemesi 26 Numaralı Sicil (H. 970-971 / M. 1562-1563)
cilt: 7, sayfa: 292
Hüküm no: 605
Orijinal metin no: [52a-2]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Andriya b. Nikola’nın bağını Zoyi bt. Dimitri’ye sattığı

Vech-i tahrîr-i sicil budur ki Karye-i Çengel’den Andriya b. Nikola meclis-i şer‘a hâzır olup takrîr-i kelâm kılıp dedi ki, karye-i mezbûrda vâkı‘ olan bir kıt‘a bağım ki hudûd bir cânibi Yorgi Saltuk bağına ve bir cânibi Nikola dâmâd-ı Papas bağına ve bir cânibi kûhî yere ve bir cânibi mîrî bahçeye muttasıl olan bağımı tevâbi‘ ve levâhıkı ile işbu sâhibü’s-sicil Zoyi bt. Dimitri’ye iki bin iki yüz akçeye bey‘ ettim semen-i merkūmu bilâ kusûr velâ küsûr aldım kabûl ve kabz ettim keyfemâ yeşâ mutasarrıf ola dedikde, müşteriyü’l-mezbûr vicâhen ve şifâhen tasdîk ve tahkīk ettikde sıhhat-ı bey‘ mukarrer olup bi’t-taleb kayd-ı sicil olundu. Vaka‘a’t-tahrîr fî evâhiri Cemâziyelevvel sene 971.


Şuhûdü’l-hâl: Hızır b. Ahmed, Mustafa b. Mehmed, Hüseyin b. Behram, Kaçaroz Nikola b. Dimitri, Andriya b. Dimitri ve gayruhum