.:: İstanbul Kadı Sicilleri ::.


Üsküdar Mahkemesi 26 Numaralı Sicil (H. 970-971 / M. 1562-1563)
cilt: 7, sayfa: 295
Hüküm no: 613
Orijinal metin no: [53a-2]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Gülfem Hatun Camii Vakfı’na ait arazinin Debbağ Hacı Haydar b. Abdullah’a icareye verildiği

Vech-i tahrîr-i hurûf budur ki Nefs-i Üsküdar’dan merhûme Gülfem Hâtun Câmii’ne bi’l-fi‘l mütevellî olan Veli b. Ali meclis-i şer‘de Debbağ Hacı Haydar b. Abdullah muvâcehesinde bi-tav‘ihî ikrâr ve i‘tirâf edip câmi‘-i mezbûr haremi civârında şimâl cânibinde tarîk-ı âmla ve matbah ve kervansarayla ve harem-i mezbûr ile mahdûd olan vakıf arz-ı hâliyeyi vakfa enfa‘ olmağın mezbûr Hacı Haydar’a sene seb‘îne ve tis‘a-mi’e Şa‘bân’ı evâilinden her senesi seksener akçe üzere otuz yıla dek her üç yılda bir akd üzere iki yüz kırk akçe üzere ol akd ile ve her sene sekseneri vermek şartıyla icâreye verdim dedikde, mukırr-ı mezbûru mukarrun lehü’l-mesfûr ikrâr-ı meşrûhunda vicâhen ve şifâhen tasdîk ettikde sıhhat-ı akde hükm olunup gıbbe’t-taleb kayd-ı sicil olundu. Tahrîren fî 24 Cemâziyelevvel sene 971.


Şuhûdü’l-hâl: Süleyman Çelebi b. Mustafa ve Muhyiddin Halîfe b. İskender ve Alaaddin Halîfe b. Mustafa ve Alaaddin Halîfe İmâm-ı câmi‘-i mezbûr ve Halil b. Ömer ve Ramazan b. Hızır ve gayruhum