.:: İstanbul Kadı Sicilleri ::.


Üsküdar Mahkemesi 26 Numaralı Sicil (H. 970-971 / M. 1562-1563)
cilt: 7, sayfa: 297
Hüküm no: 616
Orijinal metin no: [53a-5]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Hüseyin Çelebi b. Hamza’nın, Ali Ağa b. Cihan’a borçlu olduğu

Vech-i tahrîr-i hurûf budur ki Nefs-i Üsküdar’dan Sultan -tâlet bekāhâ- câmi‘-i şerîfi kurbunda sâkin olan Hüseyin Çelebi b. Hamza meclis-i şer‘de fahrü’l-emâcid ve’l-ekârim Ali Ağa b. Cihan tarafından tasdîk-i âtiye vekîl olan Mustafa b. Mehmed muvâcehesinde bi-tav‘ihî ikrâr ve i‘tirâf edip mezbûr Ali Ağa Hazretlerine vâcibü’l-edâ ve lâzımü’l-kazâ üç yüz sikke tâmmü’l-vezn filori ve iki bin râyicü’l-vakt akçe ki cem‘an yirmi bin akçe karz-ı hasen deynim vardır deyu ikrâr ettikde mukırr-ı mezbûru mukarrun lehü’l-mesfûr ikrâr-ı meşrûhunda tasdîk ettikde sıhhate ve ikrâra hükm olunup gıbbe’t-taleb kayd-ı sicil olundu. Tahrîren fî 25 Cemâziyelevvel sene ihdâ ve seb‘îne ve tis‘a-mi’e.


Şuhûdü’l-hâl: Hasan Bey b. Abdullah Çavuş-ı Dergâh-ı âlî ve Kasım Bey b. Abdullah ve Pîr Mehmed b. Hüseyin, Kâtib Derviş b. Nasuh ve Pîri Kethudâ b. Veys ve Divâne Ali b. Hasan ve Mahmud b. Mehmed ve gayruhum mine’l-hâzırîn