|
Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 309 Hüküm no: 647 Orijinal metin no: [57a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Yani b. Mihal’in, Yorgi Petro’ya ödünç verdiği
Vech-i tahrîr-i sicil oldur ki Karye-i Kadı’dan Yani b. Mihal nâm kimesne Yorgi Petro nâm zimmîyi meclis-i şer‘a ihzâr edip takrîr-i da‘vâ kılıp eyitdi ki, mezbûr Yorgi Petro nâm zimmîde karzdan iki yüz akçe hakkım vardır deyicek bi’l-mukābele Yorgi dahi ikrâr edip dedi ki, mezkûr Mihal nâm zimmîye iki yüz akçe deynim vardır deyu ikrâr eylediği ecilden mezbûr Mihal talebiyle sebt-i sicil olundu. Tahrîren fî evâili Cemâziyelâhir sene 971.
Şuhûdü’l-hâl: Eynehan b. Osman, Mustafa b. Kaymagî, Ser Sipâhi b. Nebi
|