|
Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 319 Hüküm no: 673 Orijinal metin no: [60a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Kadıköy sipahisinin Nebi b. Hasan’a tapu verdiği
Vech-i tahrîr-i sicil oldur ki Kazâ-i Üsküdar’a tâbi‘ Kadıköy sipâhisi olan Ahmed b. Şücâ‘ meclis-i şer‘a gelip Nebi b. Hasan muvâcehesinde bi’t-tav‘ ikrâr edip karye-i mezbûre dâhilinde bir taraf geçit ile ve bir taraf yerli kayalarıyla ve bir taraf kireç ocağıyla mahdûd ve mümtâz olan yer ki arz-ı hâlî olup tapuya müstehak olmayıp işbu sâhibü’s-sicil olan Nebi nâm kimesneye kırk akçe resm-i tapusun alıp verdim min ba‘d taht-ı tasarrufunda olsun deyu ikrâr bâyi‘-i mezkûr talebiyle kayd-ı sicil olundu. Tahrîren fî evâili şehri Cemâziyelâhir sene 971.
Şuhûdü’l-hâl: Mustafa Çelebi, Ali b. Himmet, Mehmed b. Sadık, Hasan b. Nuh el-Mü’ezzin, Ahmed b. İskender, Nasuh b. Hamza ve gayruhum
|