.:: İstanbul Kadı Sicilleri ::.


Üsküdar Mahkemesi 26 Numaralı Sicil (H. 970-971 / M. 1562-1563)
cilt: 7, sayfa: 320
Hüküm no: 676
Orijinal metin no: [60b-2]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Ali Ağa hazretlerinin, Mihri bt. Abdullah’tan satın aldığı bağın bedelini ödediği

Vech-i tahrîr-i sicil oldur ki Nefs-i Üsküdar’da sâkine olan Mihri bt. Abdullah meclis-i şer‘-i şerîfe hâzıra olup Elhâc Halil b. Hamza ve Sinan b. Elhâc Mahmud şehâdetleriyle fahrü’l-akrân Ali Ağa Hazretleri -dâme izzuhû- cânibinden vekâleti sâbit olan Murad b. Abdullah muvâcehesinde ikrâr edip bir taraf kendi bağım yeri ile ve bir taraf kezâlik kendi yerim ile ve bir taraf mezkûr Ali Ağa Hazretleri yeridir ve bir taraf dahi kezâlik Ali’nin yeridir mahdûd olan yerimi işbu sâhibü’s-sicil olan Ali Ağa’nın vekîl-i şer‘îsi olan Murad’a bin iki yüz yirmi akçeye bey‘-i bâtla bey‘ ettim teslîm-i mebî‘ edip ve kabz-ı semen ettim deyu ikrâr edicek bâyi‘-i mezkûr dahi vicâhen ve şifâhen tasdîk ve tahkīk olundukdan sonra sıhhat-ı bey‘ ve şirâya hükm olunup bi’t-taleb kayd-ı sicil olundu. Tahrîren fî evâsıtı şehri Cemâziyelâhir sene 971.


Şuhûdü’l-hâl: Mahmud Çelebi b. Abdullah, Mesih b. Abdullah, Perviz b. Hamza ve Satılmış b. Abdullah, Ali b. Abdullah, Sinan Bey b. Abdullah ve gayruhum mine’l-hâzırîn