.:: İstanbul Kadı Sicilleri ::.


Üsküdar Mahkemesi 26 Numaralı Sicil (H. 970-971 / M. 1562-1563)
cilt: 7, sayfa: 327
Hüküm no: 698
Orijinal metin no: [63a-2]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Elhac Hesna Vakfı’nın, Şahkulu b. Mehmed’e ödünç verdiği

Kazıyye-i ikrâr Vech-i tahrîr-i sicil oldur ki Nefs-i Üsküdar sâkinlerinden Şahkulu b. Mehmed nâm kimesne meclis-i şer‘a hâzır olup Sultan mahallesinde vâkı‘ olan mescid sâhibi olan vâkıf Elhâc Hesnâ nâm hâtun mahzarında ikrâr ve i‘tirâf edip mescid-i mezkûr vakfından beş yüz akçe karzdan ve elli akçe çuka bahâsından târîh-i sicilden yıl tamâmına vâcibü’l-kazâ deynimdir deyu ikrârında zikr olan vakf akçeye mezbûre hâtun kefîl bi’l-mâl oldukda bi’t-taleb kayd-ı sicil olundu. Tahrîren fî evâhiri şehri Cemâziyelâhir sene 971.


Şuhûdü’l-hâl: Nasuh b. Hamza, Ali b. Süleyman el-İmâm, Mustafa b. Mehmed ve gayruhum mine’l-hâzırîn