|
Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 340 Hüküm no: 741 Orijinal metin no: [67a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Ölen Mevlana Muhyiddin’in terekesinin paylaştırılması
Vech-i tahrîr [-i hurûf oldur ki] Kazâ-i Yoros’da fevt olan Mevlânâ Muhyiddin mîrası husûsu için emr-i pâdişâhî ile Üsküdar efendisiyle emr olunıcak imtisâlen li’l-emri’l-âlî husûs-ı mezbûra bir teftîş için akd-i meclis olunup müteveffâ-yı mezbûrûnun eytâmına kıbel-i şer‘den vâsi olan Memi b. İbrahim meclis-i şer‘a ihzâr olunup müteveffâ-yı mezbûrun iki kız ve bir oğlu kalıp ba‘dehû oğlu dahi fevt Ayşe nâm yetîme babasından ve karındaşı müteveffâdan Mustafa’dan irs-i şer‘le intikāl eden hisse-i şer‘îler mezbûr muhallefâtı kabz eden vâsi Memi’den hükm olundukda mezbûre yetîme Ayşe’nin Emine ? talebiyle kayd-ı sicil olundu. Tahrîren fî evâili Recebi’l-mürecceb sene 971.
Şuhûdü’l-hâl: Mehmed b. Abdullah, Üstâd Ali b. Elhâc Mustafa, Hızır b. İsa, Mustafa b. Hasan, Ahmed b. Fethullah, İsrâil Halîfe b. Hamza ve Ferruh b. Abdullah, Murad b. Abdullah, Ali b. Elhâc ve gayruhum
|