.:: İstanbul Kadı Sicilleri ::.


Üsküdar Mahkemesi 26 Numaralı Sicil (H. 970-971 / M. 1562-1563)
cilt: 7, sayfa: 351
Hüküm no: 775
Orijinal metin no: [70b-2]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Hasan b. Ali’nin, Mehmed b. Şükrü’ye sattığı atın satışından vazgeçmek istediği

Vech-i tahrîr-i sicil oldur ki Mehmed b. Şükrü meclis-i şer‘-i şerîfe Hasan b. Ali nâm kimesneyi ihzâr edip bi’l muvâcehe da‘vâ kılıp mezbûr Hasan’dan bir bârgir iştirâ edip kabz-ı mebî‘ ve teslîm-i semen ettikden sonra mezbûr Hasan fesh-i bey‘ etmek ister ben bârgirci (...) deyicek mezbûr Hasan’dan suâl olundukda inkâr ile cevâb verdikde mezbûr Mehmed’in da‘vâsına muvâfık beyyine taleb olundukda âciz oldukda mezbûr Hasan’a yemîn teklîf olundukda nükûl edicek bi’t-taleb kayd-ı sicil olundu. Tahrîren fî evâsıtı şehri Recebi’l-mürecceb.


Şuhûdü’l-hâl: Şaban b. Hamza, Nasuh b. Hamza