Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 376 Hüküm no: 848 Orijinal metin no: [78a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Müslüman olan Ayşe bt. Abdullah’ın, Mihal b. Todora ile nikâhının fesh olduğu Vech-i tahrîr-i hurûf budur ki Ayşe bt. Abdullah’ın vekîl-i şer‘îsi olan Hüseyin b. Hacı Behram meclis-i şer‘a Mihal b. Todora’yı ihzâr edip mezbûre hâtun sâbıkā mesfûr Mihal’in menkûhası olup müslime oldukda müşârunileyh Mihal İslâm’a gelmeyip nikâhı hâkimü’l-vakt fesh edicek mezbûre hâtunun iddet-i nafakasın taleb ederim dedikde, mesfûr Mihal’e suâl edicek mezbûre hâtun benim menkûham idi müslime olup bana dahi İslâm arz olundukda gelmeyip nikâh fesh olup ba‘de’l-iddet zevcem âhara nikâh oldu dedikde, mezbûr Mihal’den iddet-i nafakası hükm olup gıbbe’t-taleb kayd-ı sicil olundu. Tahrîren fî 20 Şa‘bân li-sene ihdâ ve seb‘îne ve tis‘a-mi’e. Şuhûdü’l-hâl: Memi Çelebi b. Bâki ve Şaban Halîfe b. Odel ve Habib b. Hacı ve Sefer Halîfe b. İlyas ve gayruhum