Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 382 Hüküm no: 864 Orijinal metin no: [80a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Kara Yusuf’un hayatta iken İbrahim b. Yusuf’u terekesine vekil tayin ettiği Vech-i tahrîr-i sicil oldur ki İbrahim b. Yusuf nâm kimesne meclis-i şer‘a gelip Hasan Ağa mahallesinden müteveffâ Kara Yusuf muhallefâtın kabz eden beytülmâl zâbiti olan Alagöz Bey mahzarında takrîr-i merâm kılıp müteveffâ-i mezkûr Kara Yusuf ölmezden beni vâsiyy-i muhtâr etmiştir deyu iddiâ eylediği takrîrine muvâfık mahalle imâmı olan Abdi Halîfe ve Küçük b. Kasım ve Halil b. İbrahim nâm kimesneler şehâdet-i şer‘iyye eylediklerinde mezbûr Alagöz Bey dahi makbûl görüp kayd-ı sicil olundu. Tahrîren fî târîh-i mezbûr sene 971. Şuhûdü’l-hâl: Hasan b. Abdullah, Mustafa b. Mehmed, Hüseyin b. Hacı Behram, Mehmed b. Şaban, Davud b. Abdullah