Üsküdar Mahkemesi 51 numaları sicil (H. 987-988/ M. 1579-1580) cilt: 8, sayfa: 142 Hüküm no: 199 Orijinal metin no: [24b-6] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yorgi v. İstemad’ın, Mihal v. Yorgi’yi dövdüğü Oldur ki Çengel nâm karyeden Mihal v. Yorgi nâm yava zimmî meclis-i şer‘a işbu karye-i mezbûrede sâkin Yorgi v. İstemad nâm zimmîyi ihzâr ve da‘vâ edip mezkûr Yorgi b. İstemad oğlunun havlusunda sopa ile başına vurup mecrûh eyledi hâlâ taleb ederin dedikde gıbbe’s-suâl ve’l-inkâr Üsküdar’da sâkin Yani Terzi v. Şimo ve Aleks v. İstemad nâm zimmîler edâ-i şehâdet edip mezbûr Yorgi bize bir bıçak kılıfı değdirip bir mikdâr merhem almış nedir bu merhemi neylersin dedikde sâlifü’z-zikr Mihal’i iki yerde başına kol sopasıyla vurup mecrûh eyledim bu merhemi ana alıgiderin deyû ikrâr eyledi dedikleri ile bi’t-taleb sebt-i sicil olundu. Tahrîren fî evâili Zilhicce sene 987. Şuhûdü’l-hâl: Kasım Çelebi b. Ahmed, Ali b. Behrâm, Nasûh b. Hamza