Üsküdar Mahkemesi 51 numaları sicil (H. 987-988/ M. 1579-1580) cilt: 8, sayfa: 147 Hüküm no: 215 Orijinal metin no: [26b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kasap Yorgi v. Dimitri’nin ölen kızı Panoriye’ye annesinden kalan paraları almak için vekil tayini Oldur ki Kasap Yorgi v. Dimitri meclis-i şer‘a gelip bundan akdem mürde olan zevcem Teodora bt. Dimitri nâm zimmîden olan sulbî sagīre Panoriye’ye mürde-i merkūmeden intikāl eden iki bin yedi yüz seksen yedi akçe hisse-i şer‘iyyesini merkūme Panoriye fevt olmağla bana intikāl etmiştir meblağ-ı merkūmu da‘vâ ve talebe karye-i Kadı’dan Senadinos v. Manol nâm zimmîyi vekîl ettim deyicek mezkûr Senadinos mülk ve vekâleti kabûl ettim dediği bi’t-taleb kayd olundu. Tahrîren fî evâili Zilhicce sene 987. Şuhûdü’l-hâl: Andriye v. Todori, Torsine v. Yorgi, Dimitri v. Yorgi