Üsküdar Mahkemesi 56 Numaralı Sicil (H.990-991/M. 1582-1583) cilt: 9, sayfa: 187 Hüküm no: 384 Orijinal metin no: [61a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sefer Reis b. Kemal’in evini Fâtıma bt. Mustafa’ya sattığı Oldur ki Mahalle-i Ma‘mûre’de sâkin Sefer Reis b. Kemal mahfil-i kazâda bâ‘isetü’s-sicil Fâtıma bt. Mustafa mahzarında takrîr-i kelâm edip mahalle-i mezbûrede vâki‘ bir cânibi Mirza b. İbrahim mülküyle ve bir cânibi Sefer Reis mülküyle ve bir tarafı debbâğ Mustafa eviyle ve tarîk-i âm ile mahdûd iki ocaklı mülk evimi içinde kuyusuyla ve eşcâr-ı müsmiresiyle bi cemî‘i’l-hudûd ve kâffeti’l-hukūk mezkûre Fâtıma’ya üç bin altı yüz râyic fi’l-vakt akçeye bey‘-i bât ile bey‘ edip teslîm-i mebî‘-i mahdûd ve kabz-ı semen-i ma‘dûd kılıp mezbûre dahi vech-i meşrûh üzre iştirâ eyledi dedikde ba‘de’t-tasdîk bi’t-taleb kayd-ı sicil olundu. Tahrîren fî evâsıtı Ramazâni’l-mübârek sene 991. Şuhûdü’l-hâl: Lütfü Bey el-Kâtib, Hasan b. Tanrıvermiş, Ahmed Subaşı b. Mustafa, Himmet b. Pîrî Hayyât, Mehmed b. Abdullah el-Hayyât.