Üsküdar Mahkemesi 56 Numaralı Sicil (H.990-991/M. 1582-1583) cilt: 9, sayfa: 188 Hüküm no: 388 Orijinal metin no: [61b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Babacan’ın, Timur v. Mıgırdiç’e olan borcunu kefili Azarya v. Silor’un ödediği Oldur ki Timur v. Mıgırdiç nâm Ermeni mahfil-i kazâda bâ‘isü’s-sicil Azarya v. Silor nâm Ermeni muvâcehesinde takrîr-i kelâm edip bundan akdem Babacan nâm Ermeni’de karzdan ve gayrıdan beş bin akçem olup işbu mezkûr Azarya kefîl bi’l-mâl olmağın hâlâ meblağ-ı merkūmu bi’t-tamâm ve’l-kemâl kefîl-i mezbûr yedinden alıp kabz edip zikr olunan beş bin akçeden medyûn-ı mezbûr Babacan üzerinde bir akçe ve bir habbe hakkım bâkī kalmadı dedikde kefîl-i mezbûr bi tarîki’l-kefâlet edâ eylediğine ba‘de’t-tasdîk bi’t-taleb kayd-ı sicil olundu. Tahrîren fî evâsıtı Ramazâni’l-mübârek sene 991. Şuhûdü’l-hâl: Pîr Ahmed b. Murad, Ovanes v. Biçol, Mihayil v. Asfader, Silor v. Dunaver, Palo v. Bogos.