Üsküdar Mahkemesi 56 Numaralı Sicil (H.990-991/M. 1582-1583) cilt: 9, sayfa: 197 Hüküm no: 415 Orijinal metin no: [65b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hümâ bt. Benlihan’ın evine bitişik olan arsasını kocası Mustafa b. Şehsuvar’a sattığı Mahalle-i Ma‘mûre‘de sâkine Hümâ bt. Benlihan kıbelinden vekîl olup Şaban b. Cafer ve Cafer b. Abdullah şehâdetleriyle ikrâr-ı âti’z-zikre vekâleti sâbit olan Yusuf b. Abdullah mahfil-i şer‘-i şerîfde mezkûrenin zevci işbu bâ‘isü’s-sicil Mustafa b. Şehsuvar mahzarında takrîr-i kelâm edip müvekkilem mezkûre Hümâ yine kendi mülküne muttasıl bir cânibi Kirişci Mehmed eviyle ve bir cânibi Şaban eviyle ve Eskici Hasan eviyle ve dere ile mahdûd tahmînen bennâ zirâ‘ıyla kırk zirâ‘ binâdan hâlî mülk-i müşterâ yerini zevci mezkûr Mustafa’ya üç yüz râyic fi’l-vakt akçeye bey‘-i bât ile bey‘ edip teslîm-i mebî‘-i mahdûd ve kabz-ı semen-i ma‘dûd kılıp müşterî-i merkūm dahi vech-i meşrûh üzre iştirâ eyledi min ba‘d mülküdür nice diler ise mutasarrıf ola dedikde vekîl-i merkūmun ikrâr-ı meşrûhun mukarrun-lehü’l-mezbûr vicâhen ve şifâhen tasdîk edip sıhhat-i bey‘e hükm-i birle mâ vaka‘a bi’t-taleb kayd-ı sicil olundu. Tahrîren fî târihi mezbûr. Şuhûdü’l-hâl: Şahkulu b. Hızır, Mustafa b. Abdülkādir, İlyas b. Veli, Mahmud b. Mehmed ed-Dellâk