Üsküdar Mahkemesi 56 Numaralı Sicil (H.990-991/M. 1582-1583) cilt: 9, sayfa: 200 Hüküm no: 422 Orijinal metin no: [66b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Seydî Ali b. Hızır’ın maşrabasının çalınması Oldur ki Seydî Ali b. Hızır mahfil-i kazâda Ali b. Güllü muvâcehesinde takrîr-i kelâm edip bundan akdem ba‘zı kimesne ile oturup meclis edip içlerinde bir gümüş maşrabam zâyi‘ olup taleb eylediğimde cümlesi inkâr edip ba‘dehû mâbeynimizde toprak döküp gece ile ola ki bırakalardı deyû ben ve Mahmud ve Hasan nâm kimesneler ile bir köşede bekleyip gözedirken mezkûr Ali gelip zikr olunan maşrabayı bırakıp gitti dedikde gıbbe’s-suâl mesfûr Ali inkâr ile mukābele edip, mezbûr Mahmud ile Hasan’a suâl olundukda sahîh bekledik ve lâkin kimesne görmedik sabâha yakın mezbûr Seydî Ali bize gelip maşrabam bırakdılar deyû haber verip bırakan kim idiğinden haberimiz yokdur dediklerinde mezbûr Ali’ye kaziyye vech-i meşrûh üzre olmadığına yemîn teklîf olunup yemîn billâh eylediği kayd olundu. Tahrîren fî târihi mezbûr. Şuhûdü’l-hâl: Mahmud b. Mehmed ed-Dellâk, Sefer b. Karaca, Bâli b. Hüdâverdi, Ramazan el-Muhzır