Üsküdar Mahkemesi 56 Numaralı Sicil (H.990-991/M. 1582-1583) cilt: 9, sayfa: 208 Hüküm no: 444 Orijinal metin no: [69b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa Çelebi ile ırgat Cafer b. Abdullah arasındaki kilim davası Sâbıkan Dâvud Paşa mütevellîsi olan Mustafa Çelebi’nin Cafer b. Abdullah nâm âdemisi mahfil-i kazâda Ali b. İbrahim nâm kimesne muvâcehesinde takrîr-i kelâm edip, bundan akdem mezkûr İbrahim evimizde iki gün ırgatlık edip bir gece anda yatıp mezbûra örtünmeğe bir kilim verip [kilimimizi] götürüp gitmiş taleb ederim dedikde, gıbbe’s-suâl mezkûr İbrahim cevâb verip sahîh örtünmeğe bir kilim verdiler ertesi kilimi mezkûr Cafer’e teslîm eyleyip gitdim dedikde, merkūm Cafer kilimi görmedim bana teslîm etmedi deyû mukābele edip yemîn billâh eylediği kayd olundu. Tahrîren fî târihi mezbûr. Şuhûdü’l-hâl: Bekir b. Abdullah er-Râcil, Ramazan el-Muhzır