Üsküdar Mahkemesi 56 Numaralı Sicil (H.990-991/M. 1582-1583) cilt: 9, sayfa: 212 Hüküm no: 457 Orijinal metin no: [71b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kasım b. Bayramlı’nın Muharrem b. Şaban’dan rehin karşılığı bin iki yüz akçe borç aldığı Oldur ki Tâ’ife-i kıbtiyândan Kasım b. Bayramlı nâm çingene mahfil-i kazâda bâ‘isü’s-sicil Muharrem b. Şaban muvâcehesinde takrîr-i kelâm edip, mezbûr Muharrem’den bi-tarîki’l-karz bin akçe alıp ve çuka bahâsından dahi yüz yirmi cem‘an bin yüz yirmi akçe lâzımü’l-edâ ve vâcibü’l-kazâ deynim vardır ve meblağ-ı merkūm mukābelesinde mahalle-i Ma‘mûre‘de vâki‘ ma‘lûmetü’l-hudûd mülk evimi rehin vaz‘ edip târih-i sicilden dokuz yüz doksan iki Şevvâl’inin nihâyetine gelince va‘desi olup, va‘de-i merkūmede mezbûr Muharrem’e akçesini edâ etmede ihmâl ve tekâsül edersem rehin vaz‘ olunan hâne-i mesfûru devr-i vekîlim olup bey‘ eyleye kendi akçesin alıp ziyâdesini bana teslîm ede dedikde, mehriyyûn(?)-ı mezbûr bi’l-muvâcehe tasdîk edip ve vekâlet-i mahkiyyeyi kabûl edip mâ vaka‘a bi’t-taleb kayd olundu. Tahrîren fî evâil-i Zilka‘de sene 991. Şuhûdü’l-hâl: Mustafa b. Ali, Yusuf b. Abdullah, Mehmed b. İshak, Ramazan b. Veli, (....) b. Abdullah, Pîr Ahmed b. Sevindik