Üsküdar Mahkemesi 56 Numaralı Sicil (H.990-991/M. 1582-1583) cilt: 9, sayfa: 213 Hüküm no: 460 Orijinal metin no: [72a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa b. Şehsuvar’ın arsasını Mustafa b. Abdülkadir’e sattığı Oldur ki Mahalle-i Ma‘mûre‘de sâkin Mustafa b. Şehsuvar mahfil-i kazâda bâ‘isü’s-sicil Mustafa b. Abdülkādir muvâcehesinde takrîr-i kelâm edip, mahalle-i mezbûrede vâki‘ bundan akdem zevcetim Hümâ bt. Abdullah’dan aldığım bir cânibi mezkûre Hümâ mülküne muttasıl ve bir cânibi Kirişci Mehmed eviyle ve bir cânibi Şaban eviyle ve eskici Hasan mülküyle ve dere ile mahdûd tahmînen bennâ zirâ‘ıyla kırk zirâ‘ binâdan hâlî mülk yerimi mezkûr Mustafa’ya üç yüz elli râyic fi’l-vakt akçeye bey‘-i bât ile bey’ edip teslîm-i mebî‘ ve kabz-ı semen kıldım dedikde, ba‘de’t-tasdîk bi’t-taleb kayd olundu. Tahrîren fî evâil-i Zilka‘de sene 991. Şuhûdü’l-hâl: Ahmed Subaşı b. Mustafa, Sefer Reis b. Kemal, Ramazan b. Hüdâverdi el-Muhzır, Ali b. Mehmed el-Hayyât, Usta Himmet el-Hayyât, Abdurrahman el-Hayyât