Üsküdar Mahkemesi 56 Numaralı Sicil (H.990-991/M. 1582-1583) cilt: 9, sayfa: 214 Hüküm no: 464 Orijinal metin no: [72b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Eskici Hasan b. Mehmed ve karısı Emine bt. Hızır’ın evlerini Hümâ bt. Benlihan’a sattıkları Oldur ki Eskici Hasan b. Mehmed ve zevcesi Emine bt. Hızır mahfil-i kazâda bâ‘isetü’s-sicil Hümâ bt. Benlihan muvâcehesinde takrîr-i kelâm edip, mahalle-i mezbûrede vâki‘ bir cânibi kızı mülküyle ve bir cânibi Fâtıma mülküyle ve Mustafa mülküyle ve tarîk-i âm ile mahdûd iki ocaklı mülk-i müşterek evimizi kuyusu ve kenîfi ile cemî‘ tevâbi‘ ve levâhıkıyla mezkûre Hümâ’ya üç bin beş yüz akçeye satıp meblağ-ı merkūmu alıp kabz edip teslîm-i mebî‘ kılıp mezkûre dahi vech-i meşrûh üzre iştirâ eyledi dediklerinde, ba‘de’t-tasdîk bi’t-taleb kayd olundu. Tahrîren fî evâsıtı Zilka‘de sene 991 Şuhûdü’l-hâl: Ahmed b. Mahmud el-Bakkāl, Sefer Reis b. Kemal, İhsan b. Nurullah, Mehmed b. Süleyman, Şahkulu b. Hızır, Yusuf b. Abdullah, Ramazan el-Muhzır