Üsküdar Mahkemesi 56 Numaralı Sicil (H.990-991/M. 1582-1583) cilt: 9, sayfa: 215 Hüküm no: 466 Orijinal metin no: [72b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Anuş bt. Evren’in evini Karabıyık v. Serkis’e sattığı Mahalle-i Ma‘mûre’den Anuş bt. Evren mahfil-i kazâda zevci Karabıyık v. Serkis muvâcehesinde ikrâr ve takrîr-i kelâm edip, mahalle-i mezbûrede vâki‘ bir cânibi İbrahim b. Hüdâverdi eviyle ve bir cânibi arz-ı hâlîye ile ve tarafeyni yol ile mahdûd bir ocaklı evimi içinde kuyusu ve kenîfiyle bi cemî‘i’l-hudûd iki bin akçeye mezbûr Akbıyık’a bey‘-i bât ile bey‘ edip teslîm-i mebî‘ ve kabz-ı semen kıldım dedikde, ba‘de’t-tasdîk bi’t-taleb kayd olundu. Şuhûdü’l-hâl: Süleyman Halîfe b. Mürüvvet, Mehmed b. Bayram, Keyvan b. Abdullah, Yakub b. Abdullah.