Üsküdar Mahkemesi 56 Numaralı Sicil (H.990-991/M. 1582-1583) cilt: 9, sayfa: 216 Hüküm no: 469 Orijinal metin no: [73a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Karabıyık v. Serkis’in Avak v. Bogos’a olan borcuna karşılık evini rehin verdiği Mahalle-i Ma‘mûre‘de sâkin Ermeni tâ’ifesinden Karabıyık v. Serkis mahfil-i kazâda bâ‘isü’s-sicil Avak v. Bogos nâm Ermeni muvâcehesinde takrîr-i kelâm edip, cihet-i karzdan mezbûra bin iki yüz akçe lâzımü’l-edâ deynim vardır târih-i kitâbdan on bir ay tamamına değin va‘de ile uhdemdedir ve sâkin olduğum mülk evimi dahi meblağ-ı merkūm mukābelesinde rehin vaz‘ ettim dedikde, ba‘de’t-tasdîk bi’t-taleb kayd-ı sicil olundu. Tahrîren fî evâsıt-ı Zilka‘de sene 991 Şuhûdü’l-hâl: Hüseyin b. Abdullah, Bağdâsar v. Saliyar, Torin v. Betik, Karagöz v. Bağbâ.