Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 99 Hüküm no: 14 Orijinal metin no: [2b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Nikola İstiridi’nin alacaklarını tahsil ettiği Oldur ki Nikola İstiridi nâm zimmî mahfil-i şer‘de Yani Yorgi ve Dimo Yorgi ve İstati Domaşkin nâm zimmîler mahzarlarında ikrâr ve takrîr-i merâm kılıp mezbûr Yani ve Dimo ve İstati’de cihet-i karzdan her birinde üçer yüz akçeden dokuz yüz akçe hakkım var idi meblağ-ı mezbûru bi’t-tamâm ve’l-kemâl alıp kabûl ve kabz eyleyip meblağ-ı mezbûrdan merkūmûnun zimmetini ibrâ ve ıskāt eyledim dedikde mukırr-ı mezbûrun vech-i meşrûh üzre vâki‘ olan ikrârını mukarrun lehümü’l-merkūmûn bi’l-muvâcehe ve’l-müşâfehe tasdîk ve tahkīk ve kabûl eylediği kayd olundu. Fi’t-târihi’l-mezbûr. Şuhûdü’l-hâl: Hasan Beşe, Şemseddin el-muhzır, İstati [v.] Yorgi, Petro [v.] Mihal, Yorgi v. Niçako, Yanko v. Yahako, Duka v. Çoka ve gayruhüm