Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 121 Hüküm no: 63 Orijinal metin no: [7a-6] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sahipsiz bârgîrin satılması Nefs-i Üsküdar’da yava ve beytülmâl-ı hâssa ve âmme emîni olan Müstedâm Bey b. Abdullah nâm kimesne mahfil-i şer‘de takrîr-i merâm edip bundan akdem Ağa’nın subaşısı yedinden bana teslîm olunan işbu kır bârgîri ki yevmî iki akçe nafakası olup ve müddet-i örfiyyesi dahi tamâm olup hattâ yediği nafaka bârgîrin bahâsından ziyâde oldu deyu kıbel-i şer‘den bey‘ olunmasına izin taleb ederim dedikde bey‘ için müddet-i örfiyyesi tekmîl olunmağın kıbel-i şer‘den bey‘ine icâzet verildikde zikr olunan bârgîr iki yüz akçeye satıldı deyu zeyl-i kitâbda mastûr olan kimesneler haber verdikleri kayd olundu. Tahrîren fî evâhiri Rebî‘ilâhir sene elf. Şuhûdü’l-hâl: Fazlı Çelebi el-kâtib, Muttalib b. Süleyman, Sefer b. Abdullah, Mehmed b. Behrâm ve gayruhüm