Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 131 Hüküm no: 91 Orijinal metin no: [9b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ayşe Hâtun’un odasından oğullarının hisseleri olmadığı Mezbûr Usta Hasan Bey mahfil-i kazâda mezbûre Ayşe Hâtun’un Ali ve Mustafa ve Bâkī Muharrem ve diğer oğlu Ahmed b. Mehmed nâm kimesneler mahzarlarında takrîr-i kelâm edip mezkûre hâtundan iştirâ ettiğimiz oda mezbûrların hisseleri alâkaları var mıdır suâl olunup tahrîr olunmasın taleb ederim deyicek mezbûrlar zikr olunan odada medhalimiz ve alâkamız yokdur anamız mezbûre Ayşe’nin mülküdür dediklerinde mezbûr Usta talebiyle kayd-ı sicil olundu. Şuhûdü’l-hâl: es-Sâbikūn