Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 134 Hüküm no: 98 Orijinal metin no: [10a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yusuf Çelebi b. Nuh Bâli’nin, Ahmed Bâli’den çereviş yağı bedelinden alacaklı olduğu Dîvân-ı Hümâyûn kâtiblerinden olup Üsküdar’dan olan fahrü’l-akrân Yusuf Çelebi b. Nuh Bâli nâm kimesne meclis-i şer‘de mahrûse-i mezbûr[ede] olup kırk yedinci yayabaşılardan Ahmed Bâli nâm yeniçeri mahzarında da‘vâ kılıp mezbûr Ahmed mahrûse-i mezbûrede vâki‘ merhûm Vâlide Sultan Hamam’ı kurbunda bir dükkân açıp benden çereviş yağı alıp beş yüz elli beş akçe bâkī kalmışdır vermekde te‘allül ederse şer‘le taleb eylerim dedikde merkūm Ahmed’den suâl olundukda fi’l-vâki‘ müdde‘î-i mezbûr Yusuf Çelebi’den çereviş yağı aldım beş yüz elli beş akçe deynimdir deyu ikrâr eyledikde meblağ-ı mezbûru tahsîl için mahrûse-i mezbûre zâbiti fahrü’l-akrân Behrâm Subaşı’ya teslîm olunduğu kayd şud. Fi’t-târihi’l-mezbûr. Şuhûdü’l-hâl: Musli Çelebi, Mehmed b. Habîb, Muttalib b. Süleyman, Sefer b. Abdullah ve gayruhüm