Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 141 Hüküm no: 115 Orijinal metin no: [11b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Gevher Hân Hanım’ın, Hızır b. Abdullah’tan mahsûl bedelini istemesi Dürret-i iklîli’l-ismet ve izzetü cibîni’l-iffet seyyidetü’l-muhadderât tâcü’l-mestûrât Gevher Hân Hanım tarafından husûs-ı âti’z-zikri da‘vâya ve kabz ve îsâle vekîl olan Mustafa Bey mahfil-i kazâda merhûm el-Hâc Ahmed Paşa bahçesinin meyvesine ber vech-i maktû‘ işbu Hızır b. Abdullah nâm kimesneye üç bin beş yüz akçeye vermiş idik hâlâ meblağ-ı mezbûrdan bin altı yüz seksen akçe vardır taleb ederim deyicek ba‘de’l-ikrâr kayd-ı sicil olundu. Şuhûdü’l-hâl: Seyyid Mehmed Çelebi b. es-Seyyid Sinan el-imâm, Hasan b. Sâdık, Mehmed b. Behrâm Şuhûdü’l-hâl: es-Sâbikūn Derkenar: Meblağ-ı mezbûr Muhzır Hasan’a havâle şud. Derkenar: Meblağ-ı mezbûra Osman b. Habîb nâm kimesne kefîl oldum dediği kayd-ı sicil olundu.