Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 148 Hüküm no: 130 Orijinal metin no: [13a-6] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa b. Ahmed’in, Mehmed b. Nasûh’a sattığı sığırları Mehmed’in kabul etmediği Oldur ki Mustafa b. Ahmed mahfil-i şer‘-i şerîfde Mehmed b. Nasûh mahzarında da‘vâ kılıp beş tane kara sığırı mezbûra bin üç yüz elli akçeye sattım birini görüp dördünü görmedi şimdi üzerime red eder deyicek mezbûr vâki‘â görmedim idi dördünü sonra gördüm suâl etmedim deyip gördükden sonra kabûl edip tasarruf eylemediğine yemîn eyle denildikde kabûl ve tasarruf etmedim deyu yemîn eylediği kayd-ı sicil olundu. Fî evâsıtı Cemâziyelevvel sene elf. Şuhûdü’l-hâl: Seyyid Halil b. es-Seyyid İbrahim, Sefer b. Abdullah, Hacı b. Mehmed ve gayruhüm