Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 154 Hüküm no: 145 Orijinal metin no: [14b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kasım b. Abdullah’ın babasından kalan mülkleri kardeşinin oğullarına sattığı Ürgüb kazâsından karye-i Zelîl’den Kasım b. Abdullah nâm kimesne mahfil-i şer‘de karındaşı oğulları Kurd v. Todoro ve Andrenos v. Sava ve Oruç ve Bayram b. Muharrem nâm kimesneler ve zimmîler mahzarlarında ikrâr ve takrîr-i merâm kılıp karye-i mezbûrede vâki‘ babamdan irsle intikāl eden inde’l-cîrân ve’l-ahâlî ma‘lûmü’l-hudûd olan bahçemi ve berberhâneden hisse-i şâyi‘amı ve bir değirmende olan hisse-i şâyi‘amı ve evlerimi ve tarlalarımı mezbûruna on bin akçeye bey‘ edip kabz-ı semen ve ikbâz-ı müsemmen kıldım dedikde mukırr-ı mezbûrun vech-i meşrûh üzre vâki‘ olan ikrârını mukarrun lehümü’l-merkūmûn bi’l-muvâcehe tasdîk ve’l-müşâfehe tasdîk ve tahkīk eylediklerinde bu hurûf ketb olundu. Tahrîren fi’t-târihi’l-mezbûr. Şuhûdü’l-hâl: Fahrü’l-akrân Mehmed Çavuş, Attâr Hüsrev, Cafer b. Yakub, Mahmud Bey er-râcil, Ferhad Bey el-kâtib, Bâli b. Yakub, Ali b. Abdullah, İsmail b. Bahadır ve gayruhüm