Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 163 Hüküm no: 164 Orijinal metin no: [16b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hasan b. Sâdık’ın, eski eşi Hafsa bt. Derviş’e borç verdiğini söylediği paraları mehir olarak verdiği Zümre-i kıbtiyândan Hasan b. Sâdık, Hafsa bt. Derviş mahzarında da‘vâ kılıp mezbûre Hafsa sâbıkan benim bin dört yüz akçem alıp hâlâ mehr-i mü’eccele ve nafaka-i iddeti üzre mezbûre ile muhâla‘a edip talâk-ı selâse ile talâk vermişdim hâlâ zikr olunan bin dört yüz akçesin istediğimde te‘allül eder suâl olunsun dedikde gıbbe’s-suâl mezbûre Hafsa bi’l-mukābele cevâb verip fi’l-vâki‘ mezbûr Hasan benim mehr-i mü’eccelim ve nafaka-i iddetim üzre bana talâk-ı selâse ile talâk vermişidi ol zamânda mehr-i merkūmu tuttum ve kendi dahi râzı oldu deyicek sıdk-ı mekāline beyyine taleb olundukda Mustafa b. Mehmed ve Hasan b. Sâdık nâm kimesneler müdde‘iyye-i mezbûrenin vech-i meşrûh üzre vâki‘ olan takrîrlerine mutâbık edâ-yı şehâdet eylediği kayd şud. Şuhûdü’l-hâl: Hasan b. Resûl, Muttalib b. Süleyman, Mehmed b. Behrâm, Şemseddin b. Sâdık ve gayruhüm