Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 167 Hüküm no: 173 Orijinal metin no: [17b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Osman Ağa b. Abdülmüsteân’ın, tarlalarını Kurd Bâli b. Ömer ve Bekir b. Halil’e sattığı Dergâh-ı âlî müteferrikalarından fahrü’l-emâsil ve’l-akrân Osman Ağa b. Abdülmüste‘ân tarafından husûs-ı âtîye vekâleti el-Hâc Mustafa b. Hasan ve Ali Dede b. Abdullah nâm kimesneler şehâdetleri ile sâbite olan Mesud Çelebi b. el-Hâc Murad Halîfe mahfil-i şer‘-i şerîfde Dudullu nâm karyeden Kurd Bâli b. Ömer ve Bekir b. Halil nâm kimesneler mahzarlarında ikrâr ve takrîr-i merâm kılıp Bulgurlu nâm karye kurbunda Memi Çelebizâde tîmarların iki kıt‘a Hamza Usta tarlasıyla ve Kürek Mehmed tarlasıyla ve Nişâncı Paşa hazretleri tarlasıyla ve tarîk-i âm ile mahdûd tahmînen dört müdlük tarlanın hakk-ı tasarrufunu mezbûr Osman Ağa mezbûruna tefvîz edip mukābele-i tefvîzde on bin nakid akçesini alıp zikr olunan iki kıt‘a tarlayı mezbûruna teslîm edip onlar dahi meblağ-ı mezbûru merkūm Osman Ağa’ya verip zikr olunan tarlaları tesellüm eylediler dedikde mukırr-ı mezbûrun vech-i meşrûh üzre vâki‘ olan ikrârını mukarrun lehümü’l-mezbûrun bi’l-muvâcehe tasdîk ve’l-müşâfehe tahkīk eyledikde mâ vaka‘a bi’t-taleb sicil olundu. Tahrîren fî evâili Cemâziyelâhir sene elf. Şuhûdü’l-hâl: ( )