Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 176 Hüküm no: 196 Orijinal metin no: [19a-6] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa b. Hüseyin’in, Yahya Bey b. Bahâaddin’e açtığı alacak davasından vazgeçtiği Antalya kazâsına tâbi‘ İstinaz nâhiyesinde Mustafa b. Hüseyin nâm kimesne mahfil-i kazâda Yahya Bey b. Bahâaddin mahzarında ikrâr edip bundan akdem mezbûr Yahya Bey’den bî-vech beş bin altı yüz akçem aldın deyu da‘vâ etmiş idim muslihûn tavassut edip bin yüz akçeye bir ferâce ve bir kırmızı yağmurluk ve bin dokuz yüz nakid akçe ile ibrâ’ eyleyip ben dahi zikr olunan yağmurluğu ve akçeyi mezbûr yedinden bi’t-tamâm alıp kabz edip husûs-ı mezbûra müte‘allik da‘vâdan fâriğ oldum ba‘de’l-yevm benden veya vekîlimden husûs-ı mezbûra müte‘allik da‘vâ sâdıra olursa lede’l-hükkâm istimâ‘ olunmaya dedikde Hızır b. Ali nâm kimesne dahi ikrâr edip mezbûr Yahya Bey bir doru at ile bin sekiz yüz akçe da‘vâ eylemiş hâlâ ben dahi üç bin akçeye ibrâ’ ve ıslâh olup bedel-i sulhu ben dahi alıp kabz eyledim dediği mukırrân-ı mezbûrânın vech-i meşrûh üzre [ikrârını] mezbûr Yahya Bey tasdîk edip mâ vaka‘a kayd olundu. Şuhûdü’l-hâl: Ahmed b. Mehmed, Derviş b. Hüseyin, Sâdık b. Hüseyin Yevmü’l-erbi‘â fî 13 Cemâziyelâhir