Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 180 Hüküm no: 205 Orijinal metin no: [20a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Nefîse Hâtun’un ölen kızı ve oğlundan kalan metrûkâtı tahsil ettiği El-hâcce Hâtun mahallesi sâkinelerinden Nefîse Hâtun bt. Abdullah nâm kimesne mahfil-i şer‘de Ahmed b. Abdullah nâm kimesne mahzarında ikrâr ve takrîr-i merâm kılıp Fâtıma bt. İshak nâm hâtun ki benim kızım idi ol fevt olup beni ve oğlu Mehmed’i ve zevci mezbûr Ahmed Bey’i terk edip ondan sonra merhûme ve mezbûrenin oğlu merkūm Mehmed dahi fevt olup yine beni ve babası mezbûr Ahmed Bey’i terk eylemiş idi hâlâ kızımdan ve kızım oğlu Mehmed’den cüz’î ve küllî her ne mikdâr hisse-i şer‘iyyem var ise bi’l-külliye beni müslimûn ıslâh edip bedel-i sulh üç bin nakid akçe verdiler ben dahi ol bedel-i sulh olan üç bin akçeyi bi’t-tamâm ve’l-kemâl alıp kabûl ve kabz edip zimmetinde da‘vâ-yı merkūmeden ibrâ’ eyledim dedikde mukırre-i mezbûrenin vech-i meşrûh üzre vâki‘ olan ikrârını mukarrun lehü’l-merkūm bi’l-muvâcehe tasdîk eylediği kayd şud. Şuhûdü’l-hâl: es-Sâbikūn