Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 185 Hüküm no: 216 Orijinal metin no: [21a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yani Kuyumcu’nun, Kostantin v. Metropolid’e bıçak çektiği Budur ki Konstantin v. Metropolid nâm zimmî mahfil-i kazâda Yani Kuyumcu nâm zimmî mahzarında takrîr-i da‘vâ edip mezbûr zimmî bana bıçak çıkarıp vurmak kasdını ettikde zimmîler men eyledi taleb ederim dedikde gıbbe’s-suâl ve’l-inkâr Yorgi Manol ve Dimitri Ergiri nâm zimmîler edâ-yı şehâdet edip fi’l-hakīka mezbûr Yani merkūm Kostantine bıçak çıkarıp biz varmasak katl mukarrer idi dediklerinde ba‘de ri‘âyet-i şerâiti’l-kabûl hayyiz-i kabûlde vâki‘ olup mâ vaka‘a kayd olundu Şuhûdü’l-hâl: Mahmud Halîfe el-imâm, Ahmed Bey el-cündî, Mehmed Subaşı Yayabaşı ve gayruhüm