Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 258 Hüküm no: 390 Orijinal metin no: [37a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed b. Haydar’ın, Cafer Bey b. Abdullah’ın hizmetkârı ile kaçan hizmetkârlarını getiremezse verdiği eşyaların Cafer Bey’in olacağı Nüzzâr tâifesinden Mehmed b. Haydar nâm kimesne mahfil-i kazâda Cafer Bey b. Abdullah mahzarında ikrâr ve takrîr-i merâm kılıp mezbûr Cafer Bey’in bir hizmetkârı on bin akçe ile firâr edip benim iki hizmetkârlarımdan zan eyleyip benim olan iki hizmetkârım dahi firâr edip bana hizmetkârların elbette bulun deyu ikdâm olunmuşdu hâlâ muslihûn-ı mutavassitûn bizi ıslâh edip eğer yirmi beş güne değin oğlanları getirirsem benden husûs-ı mezbûra müte‘allik da‘vâ ve nizâ‘ım etmiyecek oldu ve getirmezsem mezbûr Cafer Bey’e verdiğim bir kırmızı çuka ve bir muhattem kuşak ve bir destâr ve bir alaca kaftan ve bir kolan ve iki raht ve bir ibrik ve bir leğen ve iki bez arpu cümle esbâb bedel olup kendiye teslîm olunup mezbûr Cafer Bey dahi kabz eylediği eğer zikr olunan va‘de tamâm oldukdan sonra oğlanları vech-i meşrûh üzre vâki‘ olan ikrârını mukarrun lehü’l-mezbûr bi’l-muvâcehe tasdîk ve’l-müşâfehe tahkīk eyledikden sonra mâ vaka‘a kayd şud. Şuhûdü’l-hâl: Ahmed Bey b. Abdullah Serdâr-ı sipâhiyân, Molla Hüdayi Mustafa Çelebi an Zümre-i silahdâr, Kıdvetü’l-akrân Müstedâm Yayabaşı Mehmed Subaşı, İshak Subaşı b. Hızır.