Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 291 Hüküm no: 471 Orijinal metin no: [44b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Şahhuban Hâtun bt. Nazar’ın kaybolan kardeşi Ahmed’in hissesini Müstedâm Bey’den tahsil ettiği Salacak mahallesi sâkinelerinden Şahhuban Hâtun bt. Nazar tarafından husûs-ı âtîye Bekir Bey b. Abdullah ve Arslan b. İshak nâm kimesneler şehâdetleriyle vekâleti sâbite olan fahrü’l-akrân Mahmud Bey b. Abdullah nâm kimesne mahfil-i kazâda işbu hâmilü’l-hurûf Müstedâm Bey b. Abdullah mahzarında ikrâr ve takrîr-i merâm kılıp bundan akdem gaybet-i munkatı‘a ile gaybet olan Ahmed’in bin akçe hisse-i şer‘iyyesin Doğancı Süleyman b. Abdullah yedinden bin nakid akçe almışdım hâlâ kız karındaşım olup benim müvekkilem olan mezbûre Şahhuban meblağ-ı mezbûru mezbûr Müstedâm Bey yedinden bi’t-tamâm alıp kabz edip zimmetini ibrâ’ ve iskāt eyledi dediklerinde mezbûr Müstedâm Bey bi’l-muvâcehe tasdîk eylediği kayd olundu. Şuhûdü’l-hâl: Hasan b. Hamza, Ahmed Bey b. Abdülmüste‘ân Serdâr-ı sipâhiyân, Ferhad b. Abdullah, Davud b. Abdullah