Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 308 Hüküm no: 504 Orijinal metin no: [48b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed b. El-Hâc İsa’nın, babasından kalan evi Osman b. Sinan’a sattığı Budur ki Ahmed b. el-Hâc İsa nâm kimesne mahfil-i kazâda bâ‘isü’l-hurûf Osman b. Sinan mahzarında ikrâr ve takrîr-i merâm edip mahrûse-i Üsküdar’da vâki‘ Çavuş mahallesinde bir tarafı Divâne Mehmed mülkü ile bir tarafı Pervâne mülkü ile ve iki tarafı tarîk-i âmla mahdûd olan babam el-Hâc İsa’nın bana sünnetlik hibe eylediği ahırı cemî‘ tevâbi‘i ve levâhıkıyla mezbûr Osman’a dört bin sekiz yüz nakd râyic fi’l-vakt akçeye bey‘-i bât ile bey‘ edip teslîm-i mebî‘ ve kabz-ı semen kıldım keyfe mâ yeşâ mutasarrıf olsun dedikde mukırr-ı mezbûrun vech-i meşrûh üzre vâki‘ olan ikrârını mukarrun lehü’l-merkūm vicâhen ve şifâhen tasdîk ettikden sonra mâ vaka‘a bi’t-taleb tahrîr olundu. Tahrîren fî evâhiri şehri Ramazâni’l-mübârek sene elf. Şuhûdü’l-hâl: Hasan Bey er-râcil, Hasan Bey [b.] Abdullah, Davud Bey er-râcil, Ramazan b. Köse, Osman b. Pîr Gaib ve gayruhüm