Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 323 Hüküm no: 541 Orijinal metin no: [51a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed Çavuş b. Hüsam Reis ile kız kardeşi Hanife’nin, evlerini Hızır b. Abdullah’a sattığı Mahrûse-i Üsküdar’da Ahmed Çelebi mahallesinden Mehmed Çavuş b. Hüsam Reis ve kız karındaşı Hanife nâm hâtun mahfil-i kazâda işbu hâmilü’l-kitâb Hızır b. Abdullah mahzarında ikrâr ve takrîr-i merâm kılıp mahalle-i mezbûrede bir tarafı tarîk-i âmla ve iki tarafı yine bizim mülklerimiz ile ve bir tarafı Ahmed Çelebi Mescidi ile mahdûd olup bahçeli ve bir çatma evi müsterâhı müştemil olan mülk menzilimizi cümle tevâbi‘ ve levâhıkıyla mezbûr Hızır’a on dört bin akçeye bey‘-i bâtt-ı sahîh-i şer‘î birle bey‘ edip altı bin akçesini babamız Hüsam Reis’in Rüstem Paşa mütevellîyesi olan el-Hâc Mehmed’e olan deynine mezbûr Hızır’a verip bâkī sekiz bin akçesin dahi biz kendimiz aldık ve mebî‘-i merkūmu mezbûr Hızır’a teslîm eyledik ev akçesinden mezbûr Hızır zimmetinde bir akçe ve bir habbe bâkī kalmadı dedikde mukırrân-ı mezbûrânın vech-i meşrûh üzre vâki‘ olan ikrârını mukarrun lehü’l-merkūm vicâhen ve şifâhen tasdîk eylediği kayd olundu. Şuhûdü’l-hâl: Ahmed Hoca el-müderris, Cafer Ağa b. Abdullah, Hasan Bey b. Abdullah Efendi, el-Hâc Kurd b. Beşir, İbrahim Bey b. Memi, Hasan b. Sâdık, Mustafa b. Mehmed ve gayruhüm