Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 331 Hüküm no: 562 Orijinal metin no: [53a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Doğancıbaşı Mehmed b. Abdullah’ın geliri avârız akçesine harcanmak üzere para vakfettiği Oldur ki Danyal mahallesi sâkinlerinden Doğancıbaşı Mehmed b. Abdullah nâm kimesne mahfil-i kazâya gelip atyeb-i mâlımdan beş yüz akçe ifrâz edip on’u on bir üzre mu‘âmele-i şer‘iyye oldukdan sonra hâsıl olan ribhini mahalle-i mezbûre avârızına verilmek üzre vakf edip li ecli’t-tescîl bâ‘isü’l-hurûf Ali Halîfe b. Mahmud’a teslîm eyledim deyip mezbûr dahi tesellüm ettikden sonra yine vakfiyetden rucû‘ edip mülküne ilhâk taleb eyledikde mütevellî-yi mezbûr mu‘âraza edip alâ vefk-i nukūd-ı vakfiyyetini câ’iz gören eimme-i müctehidîn kavli üzre hükm taleb eylediği meblağ-ı mezbûrun vakfiyetine hükm olunup femen beddelehû ba‘de mâ semiahû ve innemâ ismuhû alellezîne yübeddilûnehû innallâhe semî‘un alîm. Cerâ zâlik ve hurrire fi’t-târihi’l-mezbûr. Şuhûdü’l-hâl: Halil b. el-imâm, Mehmed b. Hasan el-müezzin, Hüsrev Bâşe Korucu, Mehmed Çelebi b. Hamza, Hacı Mahmud Debbâğ, Cafer b. Hasan, Hacı Mehmed Debbâğ, Receb Debbâğ.