Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 338 Hüküm no: 577 Orijinal metin no: [54a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ferhad v. Yakob’un, Ali’deki alacağını, Ali’nin ölümü üzerine Ali’nin oğluna vasî tayin edilen Ali b. Yusuf’tan istediği Budur ki Ferhad v. Yakob nâm zimmî mahfil-i kazâda bundan akdem vefât eden Ali nâm kimesnenin sagīri Mehmed’e kıbel-i şer‘den vasî olan Ali b. Yusuf mahzarında takrîr-i da‘vâ edip müteveffâ-yı mezbûra elli sekiz yük taş beher yük beşer akçe hesâbı üzre vefât edip üzerinde kaldı taleb ederim dedikde gıbbe’s-suâl ve akībe’l-inkâr udûlden Ahmed b. Abdullah ve Ali b. Mustafa nâm kimesneler edâ-yı şehâdet-i şer‘iyye edip fi’l-hakīka mezbûr Ferhad müteveffâ-yı mezbûra elli sekiz yük taş getirdi dediklerinde ba‘de ri‘âyet-i şerâiti’l-kabûl hayyiz-i kabûlde vâki‘ oldukdan sonra meblağ-ı mezbûru müteveffâ-yı merkūmdan almayıp ve hibe eylemediğine yemîn verildikden sonra meblağ-ı mezbûru edâya hükm olundu. Tahrîren fî evâhiri Şevvâli’l-mükerrem sene elf. Şuhûdü’l-hâl: Müstecâb b. Mustafa, Sefer b. Abdullah, Mehmed b. Behrâm ve gayruhüm Yevmü’l-Cum‘a fî 21 Şehri Şevvâli’l-mükerrem