Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 346 Hüküm no: 595 Orijinal metin no: [56b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ömer Beşe b. Yusuf’un, Mehmed Bey oğlu Ahmed Bey’e borcu olduğu Oldur ki Revan kullarından olup nefs-i Kara Âmid sâkinlerinden olan Ömer Beşe b. Yusuf mahfil-i kazâda sâbıkan Akçakale beyi olan Mehmed Bey oğlu Ahmed Bey mahzarında ikrâr ve i‘tirâf edip mezbûr Ahmed Bey yüz yirmi gün mehil ile on yedi nihâlî ve bir at üç yüz on guruşa verip ve yüz guruş dahi nakid verdim cem‘an dört yüz on guruş verdim dedikde mûmâileyh Ahmed Bey dahi bi’l-muvâcehe tasdîk edip fi’l-hakīka yüz yirmi gün mehil ile on yedi pâre nihâlî bahâsından ve bir at bahâsından üç yüz on guruş deynim olup ve yüz guruş dahi nakid aldım cem‘an dört yüz on guruş lâzımü’l-edâ vâcibü’l-kazâ deynimdir dedikde ve yine kendi âdemlerinden Şâhin Bey b. Karahan ve Hüdaverdi, Molla Kasım, Molla Ali b. Yusuf nâm kimesneler meblağ-ı mezbûra her birimiz ale’l-infırâd kefîl olduk dediklerinde mâ vaka‘a kayd olundu. Şuhûdü’l-hâl: Seyyid Ebûbekir b. Seyyid Mehmed, Bekir b. Ali, Hoca Mehmed b. Hoca Ömer el-Cezîrevî, Fahrü’l-kuzât Mehmed Efendi b. eş-Şeyh Şeref, Hüseyin Efendi.