Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 349 Hüküm no: 603 Orijinal metin no: [57a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Andriye v. Nikola’nın, Mustafa Çavuş’a bostan kirası borcunu ödediği Oldur ki Karye-i Kadı’dan Andriye v. Nikola nâm zimmî mahfil-i kazâda fahrü’l-akrân Dergâh-ı âlî çavuşlarından Mustafa Çavuş tarafından vekîl-i şer‘îsi olan Hasan Bey b. Abdullah mahzarında ikrâr edip karye-i mezbûrede hâlâ Manol nâm zimmî üzerinde bir seneye icâre ile verilen bostanı şimdiki mahsûl kalktıkdan sonra bir yıl tamâmına bin sekiz yüz akçe icâreye alıp bin iki yüz akçesini mezbûr çavuşa verdim ve altı yüz akçesini zikr olunan bostanın harc-ı mef‘ûlü için alıkoydum dedikde vekîl-i merkūm bi’l-muvâcehe kelâm-ı mukarrı tasdîk eylediği kayd olundu. Şuhûdü’l-hâl: Osman b. Ömer, Ömer Beşe b. Veli, Mehmed b. Behrâm, Şemseddin b. Sâdık ve gayruhüm