Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 358 Hüküm no: 621 Orijinal metin no: [59a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed Bey b. Mahmud’un, buzhânesini Ali Halîfe b. Mahmud’a bey‘ bi’l-istiğlâl yoluyla sattığı Budur ki Ahmed Bey b. Mahmud el-cündî mahfil-i kazâda merhûm Hâşimî Efendi’nin sagīr oğlu Seyyid Mehmed’e kıbel-i şer‘den vasî olan Ali Halîfe b. Mahmud mahzarında ikrâr ve takrîr-i kelâm edip İstavros nâm karyede vâki‘ tahdîdden müstağnî olan buzhânem üstünde iki bâb odasıyla istiğlâl tarîkiyle altı bin nakd râyic fi’l-vakt akçeye bey‘ edip teslîm-i mebî‘ ve kabz-ı semen kıldıkdan sonra yine sene elf Zilka‘desi’nin gurresinden üç yıl tamâmına değin yılda altışar yüz akçe icâreye alıp kabûl eyledim dedikde mukırr-ı mezbûrun vech-i meşrûh üzre vâki‘ olan ikrârını vasîyy-i mezbûr Ali Halîfe vicâhen ve şifâhen tasdîk eyledim dedikde mukırr-ı mezbûrun vech-i meşrûh üzre vâki‘ olan ikrârını vasîyy-i mezbûr Ali Halîfe vicâhen ve şifâhen tasdîk ettikden sonra zikr olunan buzhânenin derkine ve icâresine emr-i bâyi‘ ve kabûl-ı müşterî ile İbrahim Çelebi b. Sinan nâm kimesne kefîl oldum dedikde mâ vaka‘a bi’t-taleb tahrîr olundu. Tahrîren fî evâili Zilka‘deti’ş-şerîfe sene elf. Şuhûdü’l-hâl: Yahya Bey el-Hamzavî, Mesud Çelebi b. Murad, Mehmed b. Mustafa, Mehmed b. Hasan, Ali Çelebi [b.] Ramazan, Murad Halîfe el-hatîb, Sinan Efendi b. Mahmud ve gayruhüm