Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 360 Hüküm no: 627 Orijinal metin no: [59b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ayşe bt. Sefer’in, evini Mahmud b. Mustafa’ya sattığı Budur ki Ayşe bt. Sefer nâm hâtun tarafından ikrâr-ı âti’z-zikre İbrahim b. Cafer ve Osman b. Ömer nâm kimesneler şehâdetleriyle sâbitü’l-vekâle olan Kaya b. Abdi mahfil-i kazâda bâ‘isü’l-hurûf Mahmud b. Mustafa mahzarında ikrâr ve takrîr-i kelâm edip müvekkilem mezbûre Ayşe, Süleyman Ağa mahallesinde vâki‘ bir tarafı müşterî-i mezbûr mülkü ile ve bir tarafı bâyi‘-i mezbûre mülkü ile ve bir tarafı Ali mülkü ile ve tarîk-i âm ile mahdûd olan bir bâb odasını mezbûr Mahmud’a bin dört yüz nakd râyic fi’l-vakt akçeye bey‘ edip teslîm-i mebî‘ ve kabz-ı semen kıldı dedikde vekîl-i mezbûrun vech-i meşrûh üzre vâki‘ olan ikrârını mukarrun lehü’l-merkūm vicâhen ve şifâhen tasdîk edip mâ vaka‘a bi’t-taleb kayd olundu. Tahrîren fî evâili Zilka‘de sene elf. Şuhûdü’l-hâl: Hızır b. Abdullah, Mustafa b. Yunus, Ali Bâşe [b.] Abdullah, Mustafa [b.] Mehmed ve gayruhüm