Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 371 Hüküm no: 653 Orijinal metin no: [61b-7] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Bâli Reis b. Abdullah’ın, yerini Gazze beyi Mustafa Bey’e sattığı İftihârü’l-ümerâi’l-kirâm muhtârü’l-küberâi’l-fihâm hâlâ Gazze beyi olan Mustafa Bey hazretleri tarafından tasdîk-i âti’z-zikre Şaban b. Sevindik ve Bâli b. Veli şehâdetleri ile sâbitü’l-vekâle olan Mehmed Bey b. Abdullah mahzarında Bâli Reis b. Abdullah ikrâr ve takrîr-i kelâm eylediği yirmi altı zirâ‘ yer Kara Mürsel nâm kimesnenin çeyreği benim üç hisse müşârunileyh hazretlerinin idi hâlen zikr olunan çeyrek hissesini müşârunileyh hazretlerine yirmi beş bin akçeye bey‘ edip teslîm-i mebî‘ ve kabz-ı semen kıldım zikr olunan yerde kat‘â hakkım kalmadı dedikde mukırr-ı mezbûrun vech-i meşrûh üzre vâki‘ olan ikrârını mukarrun lehü’l-merkūm bi’l-muvâcehe tasdîk edip gıbbe’t-taleb kayd-ı sicil olundu. Tahrîren fî evâsıtı Zilka‘de sene elf. Şuhûdü’l-hâl: Hasan b. Sâdık, Ali b. Şaban, Mehmed b. Behrâm, Şeyh Mustafa Yevmü’l-ahad fî 15 Zilka‘deti’l-harâm sene elf