Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 380 Hüküm no: 670 Orijinal metin no: [63b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hasan b. Mehmed’in guruş kaçaklığından yakalandığı Budur ki Hâssa darbhâne emîni ve gümüş arayıcı olan Salamo v. Yahuda ve yasak kulu olup sipâhi oğlanları zümresinden Süleyman Bey b. Abdullah mahfil-i kazâya tüccâr tâifesinden Hasan b. Mehmed nâm kimesneyi ihzâr ve mahzarında takrîr-i da‘vâ edip mezbûr Hasan’ın hilâf-ı emr-i pâdişâhî guruş kaçırdığını haber alıp mahrûse-i Üsküdar’a tâbi‘ Kadıköyü nâm karye kurbunda yüklerinden on bir taşra guruş çıkarıp şer‘-i şerîfe getirdik suâl olunup vukû‘ı üzre sicil olunmasın taleb ederim dediklerinde gıbbe’s-suâl mezbûr Hasan fi’l-hakīka zikr olunan guruşları alıp evime giderken karye-i mezbûre kurbunda yetişip yükümden çıkardılar nısfı benim ve nısf-ı âharı İstanbul’da sâkin olan el-Hâc Hızır nâm kimesnenindir dediği bi’t-taleb tahrîr olundu. Şuhûdü’l-hâl: es-Sâbikūn