Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 384 Hüküm no: 682 Orijinal metin no: [64b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kefil olma Oldur ki Merhûm Hüseyin Paşa evkāfına mütevellî olan el-Hâc Osman b. Abdullah mahfil-i kazâda el-Hâc Ramazan b. Nasûh mahzarında da‘vâ edip evkāf-ı mezbûre mâlından sâbıkan mütevellî olan Ali Ağa yedinden Rıdvan Voyvoda altı bin üç yüz akçe alıp meblağ-ı mezbûra mezbûr el-Hâc Ramazan kefîl bi’l-mâl oldu şer‘le taleb eylerim dedikde gıbbe’s-suâl ve akībe’l-inkâr müdde‘î-i mezbûrun da‘vâsına muvâfık beyyine taleb olundukda udûl-i müslimînden el-Hâc İskender b. Abdullah ve El-Hâc İdris b. Abdullah nâm kimesneler fi’l-vâki‘ evkāf-ı mezbûre mâlından sâbıkan mütevellî olan Ali Ağa yedinden Rıdvan Voyvoda altı bin üç yüz akçe alıp meblağ-ı mezbûra merkūm el-Hâc Ramazan kefîl bi’l-mâl oldu biz bu husûsa şâhidleriz şehâdet dahi eyleriz dediklerinde şehâdetleri hayyiz-i kabûlde vâki‘ oldukdan sonra mâ vaka‘a kayd şud. Şuhûdü’l-hâl: Hasan b. Abdullah el-kâtib, Yusuf b. Abdullah el-cündî, Rıdvan Bey b. Abdullah el-cündî, Şemseddin b. Sâdık, el-Hâc Kasım b. Bayezid ve gayruhüm