Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 416 Hüküm no: 753 Orijinal metin no: [72a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Todori ve kardeşlerinin, babalarından kalan harman yerini Yahya Bey b. Abdullah’a sattığı Mahmiye-i Üsküdar tevâbi‘inden Küçük Maltepe sâkinlerinden Todori, Varsami ve Kosta nâm zimmîler taraflarından Murad Bey b. Abdullah ve hâssa koruculardan Mehmed b. Mahmud nâm kimesneler şehâdetleriyle vekâleti sâbite olan karındaşı Andon v. Yani Parmaksız mahfil-i kazâda kıdvetü’l-emâcid ve’l-ekârim müstecmi‘u’l-mehâmid ve’l-mekârim Bostancıbaşı Yahya Bey b. Abdullah mahzarında ikrâr edip bana ve karındaşlarımıza babamızdan intikāl eden Başıbüyükler nâm karye sınırında vâki‘ iki tarafı dere ve bir tarafı cebel ve bir tarafı tarîk-i âmla vâki‘ olan iki kıt‘a bostan yerin bir mikdâr yeriyle ve Küçük Maltepe nâm karyede bir tarafı Dimitri [v.] Matyoz ve bir tarafı Cüllah Dimitri’ye ve bir tarafı Mihal [v.] Matyoz ve bir tarafı tarîk-i âm ile mahdûd olan harman yeriyle ve bahçesiyle beş bin nakd râyic fi’l-vakt akçeye hakk-ı tasarrufunu tefvîz edip izn-i şer‘ ile mukābele-i tefvîzde meblağ-ı mezbûru bi’t-tamâm aldım dedikde vekîl-i mûmâileyh bi’l-muvâcehe tasdîk ve’l-müşâfehe tahkīk eylediği bi’t-taleb kayd olundu. Şuhûdü’l-hâl: ( )