Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 417 Hüküm no: 756 Orijinal metin no: [72b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Aleksi v. Andriye’nin, evini Gavra v. Todoro’ya sattığı Oldur ki Mahrûse-i Üsküdar’a tâbi‘ karye-i Kadı’dan Aleksi v. Andriye nâm zimmî mahfil-i kazâda karye-i mezbûreden Gavra v. Todoro nâm zimmî mahzarında ikrâr ve i‘tirâf edip karye-i mezbûrede iki tarafı tarîk-i âmla ve İstovraki v. Manol ve Pratoz v. Toma nâm zimmînin müşterek duvarıyla mahdûd ve müntehî olan menzilimi cemî‘ tevâbi‘ ve levâhıkıyla mezbûre Gavra’ya dört bin yedi yüz râyic fi’l-vakt akçeye bey‘-i bâtt-ı sahîh-i şer‘î birle bey‘ edip kabz-ı semen ve teslîm-i mebî‘ kıldım dedikde mukırr-ı mezbûrun vech-i meşrûh üzre vâki‘ olan ikrârını mukarrun lehü’l-merkūm bi’l-muvâcehe tasdîk ve’l-müşâfehe tahkīk eyledikden sonra mâ vaka‘a bi’t-taleb kayd şud. Şuhûdü’l-hâl: Hasan b. Abdullah, fahrü’l-akrân Korucubaşı, Muttalib b. Süleyman, Mehmed b. Behrâm, Hasan b. Behrâm, Süleyman b. Abdullah